Thursday, May 10, 2012

NABAD - PEACE




Door weeye nabadduye
Innagaan dareemine
Dadka kaleba wuu garan
Dunidaba ma eegteen
Daafaha aduunyada

Axmed Xayle dersinkii
Durruustuu dhigaayay
Ku dadaala nabaddoo
Demiya dagaalada
Waa taan ka diidnee

Xayle derin innoo dhig
Salool iyo bun noo dub
Dabka demiya nagu yiri
Innuu dilaba mooyee
Dagaal wiil ma koriyee

Maxaa Carab innoo daran
Dalkood ugu tahriibnaa
Saxaraha dugaag dila
Dadkeen ugu lugeeyaa
Harraad ugu dilaayaa

Dalka yaan la diiran
Dadka yaan la dilinoo
Dhaqan dawyo soo jiray
Dastuur iyo nidaam baa
Nabad lagu dabbaashaa

Waa dardaaran Xaylee
Waala dereja beeliye
Dibad joog ayaan noqon
Dadkaa nagu maadsani
Haddaan nabad la dooran

Dalkan mee dadkiisii
Day day iyo mooryaan
Yaa dooxanaayee
Dadki iyo dalkiiba
Dhiig baa da’aayee

Bad miyaa innoo dihan
Roob miyaaba noo da’a
Doog miyaa innoo baxa
Xoolo daaq innoo taga
Wayna moora duugeen

Xaylaa Daa’im tuugoo
Dabiib iyo Allow keen
Nin door noo dagaalama
Maatida difaaca
Danta guud ilaalsha

Ducadaas Ilaahbaa
U aqbalay dadkiiyoo
Dayuusinti inna dilay
Dabadeyba taageen
Daanyeer sidiisii

Waala doogsan doonaa
Heedhe yaan la dacaroon
Dembiyo dad soo gelay
Tegi karin dalkoodii
Yaaney nagu danaysan

Dumar iyo ragow toos
Daa’im idin derejee
Dalya duunyo idin sii
Ka difaacda tuugada
Hadba shaar dadkuu xiran

Kuwa calanka diidee
Indheer garad dilaaya
Dawladnimada diiddan
Xaylaa u digayoo
Dacwad baa sugaysaa

Dalka waan dhisaynaa
Dadka waala daaweyn
Dakanada kuwii galay
Xaylaa u digayoo
Dacwad baa sugaysa

Saturday, March 17, 2012

GUHAAD - ANGUISH


Geeridu xaq weeyee
Intuu uumay Guulana
Nafta geliyay oo idil
Way wada go’aayaan
Goorti ay ahaataba

Anigoona taa garan
Guhaad iyo caloolyow
Gocashaan dareemaa
Gama’ii la ii diid
Gogoshaanba hiifaa

Muu gaboobin Xaylee
Guxush muuna noqon weli
Mana uu gu’ waynayn
Gadh madaw han qaadiyo
Geesi buu ahaayee

Axmed Xaylihii go’ay
Nabaddoonki guushiyo
Gobanimo u dhaladkiyo
Gacanwaynidiisaa
Qabigayga kaba go’in

Geeridiisi awgeed
Gaawaheenu maranoo
Guunyana ma aan lihin
Afar uu gob ku ahaa
Goobta yaanba soo dhigi

Dadkoo gees u kala baxay
Geed fuushay nabadduna
Laysu guran gantaalada
Gowrac laysla maagay
Gardaradu hanqaadday

Isagoon gabbanahayn
Ridahayn gar eexaad
Geeshkiyo gulufkii
Uu qolaba gaarkeed
Garansiiyay nabaddoo

Gabanadi uu dhalay
Gambo kaan u haynin
Gurigiisu maran yahay
Gaaridiisi yaabtay
Gurboodkiisi gaajoon

Gacal iyo danlayba
Axmed Xayle gurigiis
Yaa loo gurtaaye
Wixii Guulle siiyoo
Gacmaha u buuxshaa

Cilmigaan la garanayn
Galti bixin waydoo
Isagaaba garan jiray
Gaamurtay aqoontiis
Jaamacado yuu galay

Cilmi yuu gunaanaday
Tii la garan waayana
Ka caddeeyay giirkee
Aqoontiisa gaarka ah
Waa garasha dheeree

Kaftan aan gef lahayn
Isku riixo gacalku
Googaalaysi gaariyo
Guud caddu bilowdo
Goobtuna camiran tahay

Geeraar aftahaniyo
Guurowga lala dhacay
Gabayadu bilowdaan
Gebagebada isagaa
Guubaabada lahaayee

Maantase galbadayoo
Geeridu xaq weeye
Nebiyadi horuu go’ay
Yuu gogol la joogaa
Guullaha agtiisee

Ummadduu gargaarkiyo
Garabkuu ahaana
Geyigooda nabad sii
Gees mari colaadaha
Goor iyo ayaanba

THE END

Wednesday, February 8, 2012

XAYLAA KA DIGAY


XAYLAA KA DIGAY - HAILE HAS WARNED ABOUT THIS

Dadka oo xumaaniyo
Colaadiyo dilloodeen
Iska dooxa maatida
Duniduna ay yaabtay
Doqonimada teenaa

Axmed Xayle noo digay
Dadka yaan la dilinoo
Dalka yaan la duminoo
Dhulkan deexda weyn le
Wuuna wada deeqaa

Duunyo iyo ku bixi deeq
Daliil iyo la yimid qiil
Dagaal ooge yaal baa
Dirir iyo la galayoo
Dadaalkiisi diidee

Al-Jaziira dulmigii
Dacaayaddey faleysay
Iyo kuwi ka daba qoray
Qaran diid ka soo qaad
Nabad aanba doonayn

Daa’imow dalkaan nabad
Deegaanka wada sii
Dabinkana innaga saar
Derisnimo wanaag iyo
Dawladnimadu waa guul

Dalka nagu mid weeyaan
Dadkiisa innoo qoran
Dab-joog iyo duur-joog
Duunyadiisa oo idil
Diiwaan ku kaydsane

Hawadaa innagu dedan
Dakhliga ka soo baxa
Dad kalaaba maamulan
Xaylaa ka digayoo
Damiir xumo weeyaan

Baddaa dahabku ceegago
Daa’im dhaxal innoo sii
Dib baa loo cabirayaa
Xaylaa ka digayoo
Dibin daabyo weeyaan

Dhir haddii la dabar jaro
Hawaduna ku diiqow
Roobna di’i maayee
Xaylaa ka digayoo
Macluul yaa dillaaciye

Dadkanaga dul iyo hoos
Isku derejo weeyaan
Afar iyo bar diidnoo
Xaylaa ka digayoo
Dadbaa lagu takooraa

Dawladaha deriskaa
Mid waliba dantiisuu
Dadkayaga u laayaa
Xaylaa ka digayoo
Digtoonaantu waa taa

Danta caalamkaa ah
Inaan laba dawoobin
Oo dagaalku raagee
Xaylaa ka digayoo
Innagaan dareemine

Doqon iyo damaaci
Damiir laawe oo idil
Dibindaabyadooda
Xaylaa ka digayoo
Nama dagi karaayaan

THE END

Sunday, January 1, 2012

XOG WARRAN – DISCOURSE




Xalay aniga oo ladi
Xayndaabka hooygiyo
Xeradeena jooga

Riyo xiiso badan loo
Oon weli xusuusto
Xaakim ila wadaagee

Axmed Xaylihi tegay
Xigmad badane weeye
Ee Xaakim oofsaday

Xaajaggal ahaayee
Xushmo nagu lahaayee
Aad loo xurmayn jiray

Xamar iga waraystoo
Sida xaalku uu yahay
Xuduudaha dalkoo dhane

Xornimaan u hadalnoo
Xaal waraysi dheer baan
Xaraf xaraf u siiyee

Xiisad iyo colaadiyo
Abaar xaaluf keentaa
Kumanaan xijaabteen

Xagaldaacday xaajoo
Xigaalkaa is dilayee
Waa xaraarug xaalkuye

Wuxuu Xayle igu yiri
Qof haddu xisaabtami
Xasuuq iyo ma gaysteen

Xeebaha sun kuma shubo
Dhirta xaaluf kama dhigo
Xoolo dhedig ma dhoofsheen

Dalka muu xumeeyeen
Xabaalaha ma faagteen
Xadgudub ma gaysteen

Abti laga xishoon jiray
Xoolihiis ma boobeen
Xinjirtiis ma daadsheen

Wuxuu yiri xumaantaas
Colaadaha xad dhaafkaa
Xal ayaa uun loo heli

Xilahaan ka tegay iyo
Ilma Xayle oo idil
Xaalkooda ii sheeg

Marrastaadi Xaylow
Xaakim baa ilaalshoo
Way ku wada xusaayaan

In ay Xariga Eebe
Ay xoog u haystaan
Reer Xayle gaarsii

Adigey xilsaaraye
Anigoo ku soo xigan
Xasil yaan u gaarsiin

Isagoo xaraga socon
Ku xerooyay janadii
Xeeldheeraheenii




I was sleeping last night
Home was cozy and safe
I was home with family

A fascinating dream
Of which I still remember
The Lord shared with me

The departed Ahmed Haile
The sagacious one
Whom the Lord took away

He was a peacemaker
Whom we honored well
He was widely respected

He asked me about Mogadishu
He inquired about any updates
About the entire country

We communicated freely
I gave him the updates
In great details

Conflicts and wars
Devastating droughts
Thousands have perished

The situation is out of hand
Brothers killing each other
The condition is really dire

Haile said to me
If someone is responsible
He will not commit genocide

He does not poison the seas
He does not deforest
He does not export female livestock

He does not injure the country
He does not desecrate graves
He would not commit violations

The venerated maternal uncles
He does not rob them
Or shed their blood

He said these abhorrent actions
The endless civil wars
Will one day cease

The beloved wife I left behind
All the Haile children
Tell me about them

The entire Haile family
The Lord is protecting them
They fondly talk about you

He said To hold fast to the rope of God
Without any distractions
Convey to the Haile family

You have sent me as a messenger
I will quote you with accuracy
I will convey to them this message

He strolled away with dignity
And returned to paradise
The cherished expert